ياريت كان قلبي مجروح

ياريت كان قلبي مجروح كنت داويته
دا قلبي تايه و اتمنى لو لقيته
مكنتش سبته للناس يجرحوا فيه
ويدوسوا عليه وكنت منهم خبيته
آه لو بس ألاقيه كنت أقفل علــيه
ولا كنت لحد منهم أبدا وريـــته
لو كنت أعرف ان الدنيا كده من الأول
كنت حبسته في صندوق و مفتاحه رميته
و طبعا أنا الغلطانة مأنا اللي بآمن
لكل الناس وأنا اللي بإيدي هديته
و هما عايشين وأنا اللي بعاني الألم
و ملهمش شغله غير جرحه و تفتيته
عمري ماتمنيت ولا هتمنى لأي واحد منهم
غير السعادة ولا يعاني اللي عانيته