اسكتش لمن يحبون التمثيل والكوميديا الهادفة

يجلس الشيخ في أحد المساجد الصغيرة في إحدى قرى الصعيد على مصطبة عريضة مربعا قدميه و ممسكا بالسبحة وعلى وجه علامات القرف وهو ينظر إلى الحاضرين الجاسين على الأرض……

يلتف الحاضرين بمختلف الهيئات حوله ووجوهم البسيطة تعبر عن حالهم ………

أحد الحاضرين : يا شيخنا هل تسمح لنا باستشاراتك في بعض الأمور الفقهية وأن نأخذ القليل من علمك الغزير

ينفش الشيخ صدره ويهتز يمينا وشمالا وينظر إلى إلى الحاضرين ويمد يديه في وقار وهو يقول: من أراد الفتوى أفتيييييه ومن أراد العلم أعلمممه ومن أراد الهداية أهديييه

يهلل الحاضرين الله عليك ياعم الشيخ ويقم بعض الحاضرين ليقبلوا يده ولكن الشيخ يسحب يده "استغفر الله أستغفر الله "

يقم أحد الحاضرين ويسأله: ما رأيك يا شيخنا الجليل في الأغاني بتوع اليومين دول
ينظر إليه الشيخ : وهو يقول في حكمة :
ياسلاااااااااااااام يا سلااااااااااااااام هذه هي الأسئلة
في الأغاني رأيااااااااااااااااان
الرأي الأول يقول أن الأغاني حلاال حلاال حلااااااااااااااااال
والرأي الآخر يقول أنها حلال حلال حلاااااااااااااااااااال بل وهي طرب جميل يجب للإنسان سماعه لما فيها من معاني طيبة ونقية تطيب الروح والبدن……

ففي قول المغني: ياما القمر على الباب فكلمة "ياما" فيها دعوة لبر الوالدين والتمسك بالعادات فلم تقل يا مامي أو ياماما"-أما في كلمة القمر ففهيا دعوة للتأمل أما في كلمة على الباب ففيها دعوة للاستئذان

يصيح أحد الحاضرين: اللللللللللللللللللله الله عليك ياعمنا الشيخ

يكمل الشيخ واثقا وهو ينظر للحاضرين يمينا ويسارا:
أما في قول عبد الحليم نار ياحبيبي نار ففيها دعوة للنفور من النااااااااااار.
يهلل الحاضرين "الله أكبر الله أكبر" ويهبوا لتقبيل يد الشيخ الذي يصيح قائلا: استغفر الله استغفر الله

ويهب أحد الحاضرين ويقدم أحد الشرائط للشيخ فيتفحص الشيخ الشريط في قرف ويقول لمن هذا

الرجل:- لعمرو دياب
الشيخ: ونعم الرجال وإن كنت أفضل مصطفى قمر

يمد الرجل يده ليستعيد الشريط ولكن الشيخ يدسه في جيبه وهو يقول هدية مقبولة منك ولقد قبل الرسول الهدية..

يهب أحد الحاضرين وهو يترنح وعينيه سكيرتان يسأل الشيخ: وما رأيك ياسيدنا الشيخ في سيجارة البانجوا–("همممممف"-شمة )

ينظر إليه الشيخ : وهو يقول له في حكمة :
هذا سؤال جميل وهناك رأيان في هذا الموضوع
رأي يقول أنها حلال حلال حلاااااااااااااااااااال
والرأي الآخر يقول أنه إذا غلب التبغ على البانجو فهي حلال حلال حلااااااااااااااال وأما إذا بلغ البنجو على التبغ مثل الملفوف فهي حرام

يهلل الحاضرين : الله أكبر ربنا يجبر بخاطرك ياسيدنا الشيخ
ويهب السائل ويخرج علبة سجائر ثم يخرج ملفوف ويعطيه للشيخ ("همممممف"-شمة) ..ربنا يجزيك خير ياعم الحاج

يتفحص الشيخ الملفوف ثم يقول هذه غلب البانجو فيها على التبغ لا بأس إن الله غفور رحيم!!!!ثم يضع الملفوف خلف أذنه !!!

يقوم أحد الحاضرين ويسأل الشيخ ما رأيك يا شيخنا في ما يحدث للعراق من قتل والحكومــ……………….

هنا يقاطعه الشيخ صارخا : اسكت أخزاك الله
ينظر الرجل البسيط إلى الشيخ في دهشة واستغراب

يكمل الشيخ :- احنا مالنا ومال العراق اشهدوا ياناس هو اللي قال العراق مش أنا
يهدئ الناس الشيخ ويوجهوا اتهامات للرجل الذي ينصرف غاضبا

يهب أحد الحاضرين ويسأل الشيخ ياشيخنا ما رأيك في خروج الريح والتي صوتها يدبدب وريحها تهبهب

وهنا يمزمز الشيخ بشفتيه قائلا: ياسلااااااااااااااااااااااااااااااااااام هذه هي الاسئلة النبيهة التي تدل على النباهة والذكاء

يبتسم السائل في بلاهة فخورا بنفسه
يكمل الشيخ: أيضا في هذا الموضوع هناك رأيــــــ…….

يدخل شيخ آخر من الباب لابسا العمامة ويقاطعه صارخا : إيه يا ولا .. اللي قعدك على الكرسي بتاعي .. إنت نسيت إنك فراش المسجد ولا إيه

ينظر الرجل (الشيخ سابقا) إلى الرجل في فزع وينظر إليه الناس في دهشة وهم يقولون: فراااااااااااااااااااش!!!!!

وهنا يمسك الرجل بجلبابه ويضعه في فمه ثم يمسك الشريط بيده اليمنى والبانجو بيده اليسرى ثم يقول :زوغااااااااااااااااااان

وهنا يصيح الناس راقضين خلفه : فراش وعملنا شييخ يابن الـ……
(أمسكوووووووووووووووووووووووووووووووووه)

ههههههههههههههههه.....

جميل ....

الحكايه دى تجنن جميييييله .....هههههههههه

اقتباس :: ههههههههههههههههه.....

جميل ....

الحكايه دى تجنن جميييييله .....هههههههههه

سعيد لمرورك
وإعجابك بالإسكتش
ممكن بقى مع 2 من زملائك تعملوا بروفات وتمثلوه
ههه

هههههههههه ......

ان شاء الله بس انا مش رجاله علشان نعمل الادوار دى .....

ههههههههههه

ولا ايه ؟؟؟ولا انت شيفنى راجل ؟؟؟؟؟؟هههههه

اقتباس :: هههههههههه ......

ان شاء الله بس انا مش رجاله علشان نعمل الادوار دى .....

ههههههههههه

ولا ايه ؟؟؟ولا انت شيفنى راجل ؟؟؟؟؟؟هههههه

أولا حضرتك من فترة قلتىإنك ب 100 راجل ..صح ولا لأ ؟
اعترفى

ثانيا إيه يعنى المشكلة

ما زوجتى أم أحمد هى وأخواتها " صديقاتها " كانوا بيعملوا الإسكتشات دى فى المسجد

وماحدش قال عليهم رجالة

بس أعتقد لما بنات تعمل الاسكتش ده هيكون قمة فى الكوميديا

بس هنجيب منين الشنبات

هانى القنطراوى كتب:

اقتباس :: هههههههههه ......

ان شاء الله بس انا مش رجاله علشان نعمل الادوار دى .....

ههههههههههه

ولا ايه ؟؟؟ولا انت شيفنى راجل ؟؟؟؟؟؟هههههه

أولا حضرتك من فترة قلتىإنك ب 100 راجل ..صح ولا لأ ؟
اعترفى
هههههه صح ....دا انا نسيت ....اعترفت ...ههههه
ثانيا إيه يعنى المشكلة

ما زوجتى أم أحمد هى وأخواتها " صديقاتها " كانوا بيعملوا الإسكتشات دى فى المسجد

وماحدش قال عليهم رجالة
احنا برده كنا بنعمل فعلا كدا فى المسجد صراحه كانت بتبقى تحفه ......
بس أعتقد لما بنات تعمل الاسكتش ده هيكون قمة فى الكوميديا

بس هنجيب منين الشنبات
مش عارفه هنشترى الشنبات او هناجرها .....ههههههه

شكلك كدا بتلمحى على شنبى
يبقى نقبك وقع على شوووووونة
هههه
للأسف مش بربى شنب الأيام دى

مش عارف ليه افتكرت أتنين , واحد منهم شكله وحش أووووووى
التانى قال له ,وهو بيعيط . إنت بتفكرنى بمراتى , زيك بالظبط .... بس الشنب
قال له : بس أنا مليش شنب
قال له : هى لها

هامش /
لسة بنحرص على لقاءات المسجد ولا المذاكرة واخدانا
أتمنى لك خالص التوفيق يا وحوى

هانى القنطراوى كتب:: شكلك كدا بتلمحى على شنبى
يبقى نقبك وقع على شوووووونة
هههه
للأسف مش بربى شنب الأيام دى
ههههههههههه
مش عارف ليه افتكرت أتنين , واحد منهم شكله وحش أووووووى
التانى قال له ,وهو بيعيط . إنت بتفكرنى بمراتى , زيك بالظبط .... بس الشنب
قال له : بس أنا مليش شنب
قال له : هى لها
ههههههههههه.....جميييييييله ...حلوه دى ......
هامش /
لسة بنحرص على لقاءات المسجد ولا المذاكرة واخدانا
صراحه مش بروح من زمان ......

أتمنى لك خالص التوفيق يا وحوى
ربنا يخليك يا استاذ هانى .....

اقتباس :: صراحه مش بروح من زمان ......

عموما أرجو " بعد الامتحانات " أن تقبلى بشكل كبير على حفظ القرآن وحضور لقاءات المسجد
ففيها خير كبير لرضى الله سبحانه
ثم هى نوع من الترويح عن النفس وليس الكبت كما يظن بعض الناس
وهى أيضا فرصة للتعرف على أشخاص آخرين
نجرب نرجع كده ولو عجبتنا الأمور نواظب ولا إيييه
بس المهم بعد الامتحانات

ذاكرى يا وحوى

ان شاء الله بعد الامتحانات هروح ...

وانا كدا كدا حفظه القران لسه ليه نصف البقره وال عمران وابقى كدا خلصت

وانا كمان كنت دخلت مسابقه شيخ الازهر ونجحت فيها الحمد لله .....

وانا خت جزء من احكام القران .....

ايه رايك بقى ؟؟؟؟

اقتباس :: ان شاء الله بعد الامتحانات هروح ...

وانا كدا كدا حفظه القران لسه ليه نصف البقره وال عمران وابقى كدا خلصت

وانا كمان كنت دخلت مسابقه شيخ الازهر ونجحت فيها الحمد لله .....

وانا خت جزء من احكام القران .....

ايه رايك بقى ؟؟؟؟

الله الله الله الله الله
إيه المفاجآت الرائعة دى
والله سعدت بهذه المعلومة غاية السعادة
ومن الآن فصاعدا أنت أستاذتنا ونحن تلاميذ بين يديك
فأنت بفضل الله من أهل القرآن " أهل الله وخاصته "
ولا نملك لأهل الله سوى خالص التقدير والتواضع

أسأل الله أن يتم عليك نعمته وتحفظين باقى كتابه الكريم
وأسأله أن يعينك على إكمال شوط كبير فى أحكام التلاوة
وأن تأخذى قراءة كاملة وإجازة فى التلاوة على الأقل

أسعدك الله كما أسعدتينى

هانى القنطراوى كتب:

اقتباس :: ان شاء الله بعد الامتحانات هروح ...

وانا كدا كدا حفظه القران لسه ليه نصف البقره وال عمران وابقى كدا خلصت

وانا كمان كنت دخلت مسابقه شيخ الازهر ونجحت فيها الحمد لله .....

وانا خت جزء من احكام القران .....

ايه رايك بقى ؟؟؟؟

الله الله الله الله الله
إيه المفاجآت الرائعة دى
والله سعدت بهذه المعلومة غاية السعادة
ومن الآن فصاعدا أنت أستاذتنا ونحن تلاميذ بين يديك
فأنت بفضل الله من أهل القرآن " أهل الله وخاصته "
ولا نملك لأهل الله سوى خالص التقدير والتواضع

شكرا يا استاذ هانى ربنا يخليك لينا يااااااااااارب ....وبعدين احنا اكيد تلاميذك ...
وانت كمان الخير والبركه.....

أسأل الله أن يتم عليك نعمته وتحفظين باقى كتابه الكريم
وأسأله أن يعينك على إكمال شوط كبير فى أحكام التلاوة
وأن تأخذى قراءة كاملة وإجازة فى التلاوة على الأقل
الله الله الله الله على هذه الدعوات ....
أسعدك الله كما أسعدتينى
يااااااااااااااه لدرجادى فرحت ....يااااارب تفضل فرحان وسعيد دايما .....

الأشخاص : ولدين ، الأب ، والجد

يبدأ السكتش على الولدين يتجاذبان " ريموت التليفيزيون "

الأول : هات سبيس تون

الثاني : لأ سيب توم وجيري

يدخل الأب عليهما ويقول بلهة حازمة : انت بتعمل إيه ياد انتا وهوا

الاثنان : بابا ..

الأول : لا أبدا يابابا احنا بنتفرج على سبيس تون علشان فيها حاجات مفيدة

الثاني : أيوة يا بابا وحتى الحلقة قربت تخلص

الأب : ما شاء الله ما شاء الله .. سبيس تون وسايبين الصلاة .. الظهر بيدن يا خويا ...

يضرب كل منهما على مؤخرة رأسه فيجريان للخارج

وما إن يخرج الولدان حتى يهرع الأب إلى الريموت كنترول وهو يقول : معاد الماتش ..

يظل الأب ينفعل مرة :: شوت ... فاول .. الحكم مش بيعرف يحكم ... مالوش في اللعب

يدخل الجد على عكاز وظهره منحني أقرب إلى الركوع ويقترب من ابنه ويضيق عينيه ليرى ماذا يتابع ابنه ثم يقول :

انت بتعمل ياد انت ..

الأب :: بابا .. لا أبدا .. فاضل 5 دقايق والماتش يخلص

الجد : ماتش إيه يا قليل الأدب والظهر الإقامة بتاعته دلوقتي ..

يلكز الجد الأب بعكازه وينطلق الأب نحو الخارج

الجد يلتقط الريموت كنترول ويقول :: أما أشوف البت نانشي

يقف الجد وهو منحني الظهر على عكازه وهو يهز رأسه في حين يدخل الوالدان وهما يقولان :: جدو .. جدو .. بتعمل إيه ؟؟

يتسمر الجد مكانه .. ثم يترك عكازه يسقط ويعدل قامته وهو يقول :: سمع الله لمن حمده

ههههههههههههههه ......

تحفه ....

» اسكتش مضحك .....
» اسكتش الطرش .....حوار كوميدى